[30-March-08]

到此一遊.

[2007-10-25]

原來已經半年冇上過黎打掃下個account.

返新工已經半年, 在新公司都試左幾樣唔同既野, 都幾好. 好希望自己可以做得好d. 在e個時侯我應該學多d technical skills 同 多d檢討自己既工作態度令自己可以進步.

在e半年,最開心係 中秋節同中學同學去camp; 生日前等左幾個禮拜好天去坐360, 岩岩好生日前坐到 + 唔洗一個禮拜就跌左架落黎;  及十月頭 7天東京+仙台+北海道之旅 .  同中學同學去, 做返中學去camp 做既野, bbq 飲酒, 去沙灘, 同入u / 畢業後去camp 唔同.... 真係好回味.  另外, e次去日本, 計好時間但紅葉未紅得麗, 雖然好似少左d野咁, esp compared with 兩年前冇計時間但d紅葉開得好靚. 但都好 relax. 畀旅行前, 心情輕鬆左好多. haha, 同埋唔洗我畀錢, 緊係開心啦!

另外e半年, 有件事好怕會發生. 唔想好似上次咁痛苦. 唔經唔覺已經半年. so far so good 都算唔錯... 同埋証明我成熟左.

返新工之後 好似多左教會生活. 跟同事返團契啦; lunch 公司有prayer grp 啦; 除左高小姐, 識左新同事一齊返崇拜啦. 另外, 成長八課要到教友在長江大廈個office 上....唔多唔少都掀起我對中環既回憶.

近兩個月準備緊搬屋... 我對港島, 同電車, 一直都好奇.... 可以搬去港島住, 實在都幾開心. 雖然仲有d問題... 希望一切都順順利利, 而且我會住得慣啦!

[2007-03-30]  遠眺國金

估唔到新工有個靚靚海景, 依家個位仲要對正國金, 第一日返工大霧睇唔清仲以為國金係中環廣場tim; 我同國金都真係有緣阿, 呵呵. 黃昏日落時海面金黃色的一點點反光依然係好靚! 維多利亞海景真係無敵!!依幾日每日返工第一件事就係睇濕度同觀察國金, 初步發現 如果濕度少於80% 雲層都高過國金, 所以都可以睇到頂層既金管局. 哈哈, 每日都他他條早d返到公司無聊下真係好happy.

office 的氣氛, 在我都係返得幾日工的時候, 看落似乎很好! 同事佷都很認真工作, 但氣氛輕鬆. 大部份人都係後生仔, 很簡單, lunch 一起打機, 每日我 team 既生果會 tea time都有生果時間, pantry 除左有以前做placement 時都有的柯華田 好立克 coffeemate 糖 同咖啡機(不過依部唔係Pacific Coffee) , 仲要有每月一refill的零食, 有m&n, 朱古力, 餅, 紙菜 同 杯麵, 真係好開心. 全office 好似蝗蟲咁羅d 零食返自己位, 但係櫃上的零食好似取之不盡咁. 同事話一個星期就冇麗, 要羅夠一個月的儲備埋位. 好開心, 我覺得我好似出緊placement 咁! honey moon 真係好happy !!!  今日張 travelling allowance 八達通 staff card 整好了! 坐巴士時 "啫" $15.x 唔係自己畀, yeah!  感覺良好! 當我聽見前面後面上車的人個個啫八達通啫啫聲, 我覺得好興奮, 興奮程度畀之前"蹂躪"我阿頭而佢被逼就範 有過之而無不及, 因為每日車錢唔洗自己畀錢入公司數, 但係拍咭都有啫一聲喎. YEAH!!八達通果然係一個"利物利民" 的偉大發明!! 作為香港人, 我愛e個 tone, 我會做好呢份工!!

目標: (1) 努力學習 - 到依刻, 我發現原來在 ha 都有學到 technical skill; 趁腦"順"未生埋時, 快快翠"側"多d野入去, 事關腦"順"生埋定打開講季節...  (2) 儲錢買nds... lunch 太長, 唔打機好難過日晨...   另外, 我會記得入黎之時的期望!!

[2007-03-16 ~ 20] 北京之旅

計坐飛機的旅行,畢業之後第四次拿.... 就算再去平旅行, 我都要休養生息, 儲返筆錢先. 每次去旅行都要停儲錢的感覺唔好受, 雖然今次係我要去, 仲要自由行唔跟團.   真係要儲返筆錢先再算.....

但係, 轉工期間可以去旅行, 仲要唔洗plan, 真的很好. 謝謝.

今次好冬, 每日都係得四五度.... 太陽伯伯仲要陪左我地兩日就唔出黎. 愈近長城愈冬, 車一路上山一路愈多雪. 都三月尾仲咁冬.. 好彩舊同事提帶口罩防風沙. 雖然今次沒有風沙, 但原來打双口罩來用令人覺得暖好多.

北京的街頭小吃很好吃, 不過少便利店+機場沒有快餐店令人難受......  最後一晚在"花家怡園"的一餐很好吃, 更重要是隔離有久違了的7仔, 而且烤鴨跟全聚德一樣好吃但平一半.. 鴨肉捲 同排骨很好吃 很回味. 那碟 菇抄菜也很好, 很夠獲氣. 那間要等一小時 或者坐在湖邊捱冬的茶馬古道雖然很好生意, 但唔岩口味.

再來北京旅遊的話, 我要學好普通話, 下次再去長城同要去避暑山莊.

[2007-02-21]

訓唔著, internet surfing, 知道原來超過95%香港人身上至少有件名牌, 而且日日都會帶出街用兩用, sony 貨黎架 -- 就係八達通咭拿! 

八達通咭係由日本sony 公司製造; 它交易快速, 穩定, 可以循環再用, 及可應用於日常生活的多方面, 例如付車$$, 購物, 出入大廈的保安系統 ( 本港現今最高最靚既甲級商廈 2ifc.... 最起碼兩三年前是...... 讓已登記的人用八達通咭出入 ) . 現今超過95%16至65 歲既香港市民都會有張八達通, 市面有超過 一千四百萬張咭流通. 每日經八達通咭處理的交易有超過一千萬宗, 即每年有HK$288億的交易額.

-- 資料來自八達通網頁

可以話,八達通咭同市民的生活息息相關! 哈哈!